ԼՐԱՀՈՍ - Հեղինակ՝ Admin. Thursday, December 28, 2017 9:10 - չքննարկված
Տարեմուտի խոսք ԵՀՄՖ նախագահ Պարոն Աշոտ Գրիգորյանին
Մեծարգո Պարոն Գրիգորյան
Անցնող 2017 թվականը Ձեր ընտանիքի և ԵՀՄՖ Նախագահության համար դարձավ ճակատագրական փորձությունների տարի… Առաջին Նոր Տարին է, երբ Հասմիկ Գաբրիելյանի հրաշագործություններից չեն օգտվի ինպես մերձավորները՝ այնպես էլ օտարները:
Նրա բարեգործությունը տարբերվում էր շատ հայտնի բարեգործների գործելաոճից նրանով, որ Հասմիկ Գաբրիելյանը գիտեր ինչպես անել, որ օգնություն ստացողը իրեն խղճահարվածի կամ կարեկցանքի սուբյեկտ չզգա, այլ ընդհակառակը, Տիկին Հասմիկը ոգի և մեծ հույս էր ներշնչում, հետևաբար մարդիկ միանգամից ջերմություն և բարեկամություն էին զգում նրա հանդեպ:
Մեծարգո Պարոն Գրիգորյան
Շատ քիչ էր լինել կին և ամուսին, որպեսի դուք ապրեիք կողք-կողքի 40 երկար տարիներ: Նման համատեղ ազգային ակտիվ կյանքով ապրելու համար խիստ անհրաժեշտ պայման էր լինել գաղափարակից ընկերներ, և այդպես էլ կար, հակառակ պարագայում Սլովակիայում և ողջ Եվրոպայի տարածքում չէին գրանցվի Հայաստանի հզորացմանը ուղված քաղաքական, տնտեսական, ռազմարդյունաբերական և մշակութային հաղթանակաները…
Հասմիկ Գաբրիելյանի կորուստը անգնահատելի մեծ է նաև ԵՀՄՖ Նախագահության համար, հետևաբար գալիք տարիներին էլ առավել միասնականություն, ուժ և կորով է անհրաժեշտ դրսևորել, որպեսզի ձեռքբերումները լինեն հաստատուն և շարունակական, իսկ Տիկն Հասմիկ էլ երկնային արքայությունից տեսնի և ուրախանա Գրիգորյան փառավոր ընտանիքի և ԵՀՄՖ-ի ձեռքբերումներով:
ԵՀՄՖ Նախագահություն