ՄԵԼԱՆՅԱ Գ

**
Քեզ եմ գրկել ես մտովի
Ու փորձում եմ հիմա քնել,
Բայց հևքը քո տաքուկ գրկում
Խանգարում է հանգիստ լինել:
Անուրջներում իմ դյութական
Ծիծեռնակ եմ` քեզ հյուր եկած,
Ուր գարունն է թագավորում,
Ուր կանաչ է, արև ծագած։
Ես քո գրկում, երազածածկ
Անուրջներով անթիվ պատված:
Քո գրկում եմ, քո երազում,
Ու փորձում եմ ննջել հիմա…

**
Երազեցի, քո աչքերին հյուր գամ մի օր,
Բայց, աչքերս մինչև գալս` կուրացել էին…
Երազեցի` կույր աչքերս սիրեն կրկին,
Բայց, դե սիրտս դաժան եղավ կուրությունից…
Երազեցի` լույսի ներքո գրկել մեղմիկ,
Քամին` խաղով, մազափունջս հպեր դեմքիդ…
Երազեցի, որ ինձ փարվես ու շշնջաս,
Անձրևի տաք կաթիլի ձայնի ներքո…
Երազեցի` լույսը հոգուս երկինք հանես,
Չվախենանք, մարդկությունից, թե հալածեն…
Երազեցի` մթության մեջ բույրդ զգալ,
Որ աչքերս` աչքերիդ մեջ, լողան ազատ…
Սրտիդ զարկին` դաժան սիրտս գերի դառնար,
Կույր աչքերս` քեզ տեսնելիս, լույսը զգան…
Երազեցի` որ քո շնչից, ես արթնանամ,
Երազեցի` երազ մնամ քո տաք գրկում…
Երազանքս ,ախ սիրելիս` երազ մնաց..

**
Արի մի պահ օտարանանք,
Ու հասկանանք, առանց իրար ի՞նչ կլինի,
Արի դառնանք անծանոթներ,
Ու պատահմամբ` իրար տեսնենք:
Իրար նորից մենք կսիրե՞նք,
Կամ, կնայե՞նք իրար վրա…
Արի դառնանք զույգ ծաղիկներ,
Թիթեռները, թող մեզ հյուր գան,
Արի հեռու մենք միշտ լինենք՝
Թիթեռներով ուրախանանք:
Արի դարձիր դու մի հնձվոր,
Թանը ձեռքիս քեզ մոտենամ,
Էն շոգ պահին ժպիտ տալով,
Թանը խմես դու սառնորակ:
Արի դառնանք օտար մի պահ,
Ու հասկանանք՝
Մենք կփնտրե՞նք նորից իրար…

ՄԵԼԱՆՅԱ Գ
**