Ռուս որոշ փորձագետներ, հետազոտելով Դոնեցկի մոտ կործանված «Բոինգը», այնտեղ առկա զոհվածներին, եկել են իրապես սենսացիոն եզրակացության, որ այդ ամենը բեմադրված է, որ անմիջական կապ գոյություն ունի այս «Բոինգի» և ամիսներ առաջ անհետացած «Բոինգի» հետ: Ահա թե ինչ վարկած են առաջ քաշել ռուս փորձագետները. ,,

1. Մարտ ամսին առևանգվել էր Մալայզիական ավիաուղիների մի ինքնաթիռ, որն իբրև թե անհետ կորել էր: Իրականում այն տեղափոխվել էր Դիեգո Գարսիայի ամերիկյան ռազմաբազա:

2. Հետագայում այն տեղափոխվել էր Հոլանդիա: Համապատասխան պահին այն թռչել էր Մալայզիա: Ինքնաթիռի ներսում ոչ թե կենդանի մարդիկ էին, այլ դիակներ: Ինքնաթիռի ղեկին ոչ թե իսկական օդաչուներ են եղել, այլ ավտոպիլոտ: Հնարավոր է նաև, որ ղեկին նստած են եղել մարդիկ, ովքեր նախապես թռչել են օդապարիկներով: Դրանից հետո ինքնաթիռը ավտոմատ կերպով է թռչել: Պետք եղած վայրում ինքնաթիռը պայթեցրել են:

3. Բոլոր անձնագրերը նոր են` այն էլ այրված ու ջախջախված ինքնաթիռի մեջ: Այսինքն՝ անձնագրերը հետո են դրել, այլապես դրանք կայրվեին: Ինչո՞ւ են ինքնաթիռում հայտնվել հոլանդական անձնագրեր՝ տարօրինակ անցքերով: Չլինի՞ թե Նիդերլանդներում կեղծ անձնագրեր են բաժանում:

4. Աշխարհազորայինները խոսում են ինչ-որ տարօրինակ դիակային հոտի մասին: Այդ հոտից դատելով՝ այնպիսի տպավորություն է ստեղծվում, որ այդ մարդիկ վաղուց են մահացել: Իսկ աշխարհազորայինները լավ գիտեն՝ ինչով է թարմ դիակը տարբերվում վաղուց մահացած մարդու դիակից: Ինքնաթիռ են դրվել ինչ-որ ուրիշ մարդկանց դիակներ, որոնք արդեն սկսել են նեխել: Զոհերի հարազատներին չեն ցուցադրում: Ասում են, իբրև թե ցանկանում են պաշտպանել նրանց հետաքրքրասեր մամուլից: Այսպիսի աղետների ժամանակ առաջին հերթին ցույց են տալիս զոհերի հարազատներին, ոչ թե դեպքի վայրը: Այնուամենայնիվ, այս դեպքում ճիշտ հակառակը եղավ:

Արտաքուստ, այս ամենը ճշմարտանման է, այս եզրահանգումները կարդալով՝ կարող ենք հայտարարել, թե Ռուսաստանի դեմ մեծ դավադրություն է գործվել, թե ամեն ինչ արվել է, որպեսզի միջազգային հանրության ատելության օղակը սեղմվի Ռուսաստանի շուրջ: Սակայն փորձագետները հաշվի չեն առել այն հանգամանքը, որ արդեն մի ընտանիք վկայություն է տվել, որ ինքը հրաշքով է փրկվել՝ հրաժարվելով այդ չվերթից: Հրապարակվել են զոհերի ցուցակները, ինչը նշանակում է, որ կարելի է հեշտությամբ պարզել տեղեկություններայդ մարդկանց մասին, օդանավակայանում տեսանկարահանվում է ուղևորների հոսքը դեպի հաշվառում, օդաչուները կապ են պահպանում կարգավարի հետ և այլն… Իհարկե, տարօրինակ էմիանգամայն նոր հոլանդական անձնագրերի առկայությունը՝ այն էլ 3-4 ծակերով:

Ինչևէ: Անպայմանորեն սպասվում են սենսացիոն բացահայտումներ: Իսկ թե ում օգտին կլինեն դրանք՝ ցույց կտա ժամանակը:

Մ. ԼևոնյանՆյութի աղբյուրը ` http://newsbook.am/?36397&l=am/