ԼՐԱՀՈՍ - Հեղինակ՝ Admin. Thursday, March 27, 2014 4:55 - 3 քննարկում
ԵՀՄՖ նախագահի դիմումը Սերժ Սարգսյանին
Եվրոպական բազմաթիվ հայկական կազմակերպությունների և անհատների անունից դիմում եմ ՀՀ Գլխավոր հրամանատար Սերժ Սարգսյանին հետևյալ պահանջով` անհապաղ միջոցներ ձեռք առնել Սիրիայում բնակվող մեր հայրենակիցների անվտանգությունը ապահովելու ուղղությամբ:
Չնայած ՀՀ արտգործնախարարության վախվորած արտաքին քաղաքականությանն, առկա է Սիրիայի նախագահի և քաղաքական ղեկավարության բարի կամքի` մեր երկու ժողովուրդների անվտանգության ապահովման դաշնակցային հարաբերությունների դրսևորումը, հետևաբար գտնում ենք, որ այս պահին խիստ անհրաժեշտ է ՄԱԿ հովանու տակ գործող խաղարար առաքելություն իրականացնող ՀՀ քաղաքացիներ հանդիսացող զինվորականներին ետ կանչել և Հայաստանում կազմակերպել սիրիահայության անվտանգության ապահովման զորամիավարում` այն շտապ Սիրիայի հայահոծ շրջաններ գործուղելու համար: Համոզված եմ, որ նրանց կմիանան հազարավոր կամավորներ Հայրենիքից և Սփյուռքից, իսկ սիրիական կառավարությունն էլ գրկաբաց կընդունի ցանկացած օժանդակություն` երկիրը ցեղասպանություն իրականացնող մարդասպաններից ազատագրելու համար:
Նշեմ նաև, որ ԱԺ մի խումբ անփորձ պատգամավորներին անվտանգ Լաթաքիա ուղարկելու փաստը գնահատելիս դժվար չէր կռահել, որ նրանք մեկնել են հիմնականում քաղաքական դիվիդենտներ վաստակելու միտումով: Սիրիահայությանն առանց լուրջ ռազմաքաղաքական աջակցության նման զբոսաշրջիկային քայլերը այս պահին գնահատում ենք, որպես անլուրջ և ցինիկ:
Թուրքիայի ԱԳՆ-ի հայտարարությունն այն մասին, որ պատրաստ է ընդունել Քեսաբի հայերին և ապահովել նրանց անվտանգությունը փաստում է, որ ներկայիս թուրքական ղեկավարությունը ոչնչով չի տարբերվում նախորդ դարասզկբի թուրքական կառավարության անդամներից, որոնք 100 տարի առաջ իրենց կազմակերպած ջարդերը հայության հանդեպ, անապատներ քշելը և կոտորելը այսօր էլ որակում են, որպես հայերին մասսայաբար անվտագ տարածքներ տեղափոխելու ,,հումանիտար,, գործ:
Այո պատմությունը կրկնվում է և դասեր քաղելը բոլորիս է պարտադրված ու հատկապես ներկայումս աշխարհասփյուռ հայության ճակատագիրը, ցավոք սրտի, տնօրինող Հայաստանի Հանարապետական կուսակցության պարագլուխներին, հետևաբար սթափության կոչ ենք անում. անձնական շահը և փառամոլությունը մի կողմ թողնելով` հստակ գործողություններ իրականացնել սիրիահայության կյանքն անվտանգ դարձնելու ուղղությամբ:
ԵՀՄՖ Նախագահ
դոկ. Աշոտ Գրիգորյան
3 քննարկումներ
Անահիտ