Հետաքրքիր իրադարձություններ են ծավալվում Հայաստանում։ Դավիթօղլուի այցից հետո Հայաստան են ժամանել Թուրքիայի ազգայնամոլ և հակահայկական «Գորշ գայլերի» կազմակերպության անդամներ’ թուրք պրոֆեսոր Հաքան Օքթայի գլխավորությամբ, որը «Կովկասյան ռազմավարական վերլուծությունների» կենտրոնի ղեկավարն է։ Նրան մեծ ջերմությամբ ընդունել են Վարչապետ Տիգրան Սարգսյանը,Կաթողիկոս Գարեգին Բ ն, և մի շարք այլ կասկածելի անցյալով անձինք այդ թվում Ռիչարդ Կիրակոսյանը ու Հակոբ Չաքրյանը։/Նկարները ներքևում/
Թուրք ազգայնամոլ Հասան Օքթայը ֆեյսբուքյան իր էջում լուսանկարներ է տեղադրել Հայաստան այցից: Նա Երևանում՝ կառավարության շենքի դիմաց լուսանկարվել է, թուրքական ահաբեկչական «Գորշ գայլեր»կազմակերպության խորհրդանիշը ցուցադրելով և տեղադրել այն ֆեյսբուքյան իր էջում: Եվ սկսվել են մեկնաբանությունները, որոնցից մեկում օրինակ գրված է. «Այո, մեր սիմվոլիկայով Երևանում ենք»,«Մեր պատմական հողը»: Թուրք ազգայնամոլի գրառումներից պարզվում է, որ տեղեկություններ է հավաքել Հայաստանի մամուլի մասին և վստահ է, որ շուտով Երևանում կբացվի «Անադոլու»գործակալության գրասենյակ, «քանի որ Հայաստանում այն արդեն լայն ճանաչում է ձեռք բերել»: Այցի ընթացքում նրանք անգամ սկսել են տարածք ման գալ հենց Երևանի կենտրոնում
Նշենք, որ ծայրահեղ ազգայնական «Գորշ գայլերի» նպատակը Մեծ Թուրանի ստեղծումն է, որը կձգվի Արևմտյան Չինաստանից մինչև Ադրիատիկ ծով, իսկ հյուսիսում մինչև Ֆինլանդիա, ու ըստ որոշ տեղեկությունների` «Գորշ գայլերն» իրենց թիրախում էին պահում Թուրքիայի ազգային փոքրամասնություններին ու մասնավորապես՝ հայերին ու հույներին: