Թուրքական «Հաբերլեր» լրատվական կայքի փոխանցմամբ՝ Սերոբյանը համոզմունք է հայտնել, որ Դինքը մահացած էլ մեծ գործ է անում: Հանուն Դինքի տեղի ունեցած քայլերթի ժամանակ փողոցները լցված էին մարդկանցով: Այդ մարդկանց մեծ մասը հայեր չէին, քանի որ եթե Թուրքիայի բոլոր հայերն էլ գային, միևնույն է, այդքան մարդ չէր լինի:  «Այդ քայլերթը զարմացրեց և՛ հայկական համայնքին, և՛ թուրքական պետությանը: Եթե իմանային, որ այդպես էր լինելու, նրան չէին գնդակահարի, չէին թողնի, որ գնդակահարեն: Մենք կարծում էինք, որի Հրանտի սպանությունից հետո հայերի շրջանում արտագաղթ կսկսվի: Բայց այդպես չեղավ»,- հայտնել է հոդվածագիրը:
Ըստ Սերոբյանի՝ Դինքի սպանության պատճառներից մեկն էլ  «Ակօս» թերթն էր: «Եթե Հրանտը «Ակօսը» չթողարկեր, նրան չէին սպանի»:

Սերոբյանը հավելել է նաև, որ Դինքի սպանությունից հետո կտրուկ աճել է «Ակօսի» տպաքանակը, որը սկզբնական շրջանում եղել է մոտ 3000, իսկ Դինքի մահից հետո  հասել է մինչև 50000-ի: «Թուրք ընթերցողը սկսել էր «Ակօսը» փնտրել: Նրանք թերթը գնում էին, որպեսզի այն կարդալով հասկանան, թե ինչու սպանեցին Հրանտին»,- ասել է Սերոբյանը:

http://ermenihaber.am/?lang_id=2&news_=4&cur_news=1372