ՀԵՌՈՒՍՏԱԾՐԱԳՐԵՐ - Հեղինակ՝ . Saturday, January 19, 2013 3:53 - 2 քննարկում

40-50 հազարամյա Հայկական գեներ:

Հայկական գեներ
Ո՞վ եմ ես ազգությամբ, ունե՞մ արդյոք ամուր արմատներ և որտեղի՞ց են դրանք գալիս. այս հարցերի պատասխանը 25-ամյա մոլեկուլային կենսաբան Աշոտ Մարգարյանը ստացել է` ԳԱԱ մոլեկուլային կենսաբանության ինստիտուտում կատարված գիտական հետազոտության շնորհիվ:
Մեկնարկած հավակնոտ գիտափորձը նպատակ ունի վերականգնելու հայերի գենետիկ պատմությունը և առավել ճշգրիտ կերպով ցույց տալու նրանց ԴՆԹ պատկերը:
Մարգարյանը նախագծի 500 հայ մասնակիցներից մեկն էր: Այս ծրագիրն անվճար էր (նման թեստերը սովորաբար մոտ 1000 դոլար արժեն):
«Ես գիտեմ, որ արմատներով Արևմտյան Հայաստանից եմ, բայց ուզում եմ դրանում վերջնականապես համոզված լինել նաև այս գիտափորձի միջոցով: Նաև կարևորում եմ նման փորձերի միջոցով Հայաստանում հայերի ոչ եկվոր լինելն ապացուցելու գաղափարը»,- ասաց Մարգարյանը:
Այս գաղափարի հեղինակ և մոլեկուլային կենսաբանության ինստիտուտի պրոֆեսոր Լևոն Եպիսկոպոսյանը կարծում է, որ նման փորձերի շնորիվ հնարավոր կլինի վերականգնել հայերի գենետիկ էվոլյուցիան ու պատմությունը, որը հաճախ խեղաթյուրվում է տարբեր իշխանությունների կողմից թելադրվող վավերագրական ու պատմական փաստերի միջոցով:
«Աշխարհում կա արդեն մոտ 30 տարվա պատմություն ունեցող գիտական մի մոտեցում (այս խնդրին), որը հնարավորություն է տալիս պատմությունը վերականգնելու այն ինֆորմացիայի շնորհիվ, որը գրված է մեր գենոֆոնդում»,- ասաց նա:
Հավաքում են միայն տղամարդկանց արյունը, քանի որ նրանք, ի տարբերություն կանանց, ունեն երկու ծնողների գեներից 50:50 հարաբերությամբ, և նրանց մոտ գեների որոշման հավանականությունը 100 տոկոս է:
Այս գիտությունը սկիզբ է առել Մեծ Բրիտանիայում ու տարածվել է եվրոպական այլ երկրներում: Այն հնարավորություն է տալիս ԴՆԹ-ի մակարդակով վերականգնելու ցանկացած ժողովրդի պատմությունը:
Ինչ վերաբերում է Հայաստանին, այստեղ ոչ թե արյան, այլ թքի քսուքով վերջին 13 տարիների ընթացքում կատարվել է մոտ 2500 մարդու ուսումնասիրություն Հայաստանում, ԼՂՀ-ում, սփյուռքում, Ջավախքում և համշենահայերի շրջանում:
«Արդյունքում` մենք պարզել ենք շատ կարևոր մի բան. այն, որ հայերը Սյունիքում և Արցախում եկվոր չեն և ապրել են 40-50 հազար տարի առաջ, երբ այստեղ հայտնվել է բանական մարդ էակը»,- հայտնեց գիտնականը:
Նրա խոսքով`Ադրբեջանում, ինչպես նաև հարևան Վրաստանում նման ուսումնասիրություններ չեն կատարվում, քանի որ նրանց ժողովուրդն այնքան էլ միատարր չէ:
«Իսկ հայերը միշտ էլ կարողացել են պահպանել իրենց միատարրությունն այն բանի շնորհիվ, որ չեն ընդունել այն երեխաներին, որոնց մեջ եղել է մուսուլմանականի արյուն, և դա ապացուցում են նաև մեր ուսումնասիրությունները, քանի որ 2500 մարդուց միայն մեկի մոտ ենք Ջավախքում հայտնաբերել թուրքական գեն»,- ասաց Եպիսկոպոսյանը:
Պետությունը գիտական այս ուսումնասիրությունների համար յուրաքանչյուր աշխատակցի հատկացնում է 30 000 դրամ (81 դոլար) աշխատավարձ: Մնացյալ գումարները Եպիսկոպոսյանը հայթայթում է տարբեր միջազգային դրամաշնորհների միջոցով:


2 քննարկումներ

You can follow any responses to this entry through the RSS 2.0 feed. Both comments and pings are currently closed.

HIYAN
Jan 19, 2013 4:56