ԼՐԱՀՈՍ - Հեղինակ՝ ADMIN. Tuesday, November 27, 2012 2:01 - չքննարկված
Գագիկ Ծառուկյանը գումար է փոխանցել…
Գագիկ Ծառուկյանը գումար է փոխանցել Ֆլորա Մարտիրոսյանի ընտանիքին
2012-11-27 12:32:43
«Ժողովուրդ»-ի աղբյուրների փոխանցմամբ՝ ԲՀԿ առաջնորդ Գագիկ Ծառուկյանը (ու նաև այլ գործարարներ) գումար են փոխանցել երգչուհի Ֆլորա Մարտիրոսյանի ընտանիքին, որպեսզի նրա դին տեղափոխեն Հայաստան: ՀՀ կառավարությունը մինչ օրս գումար չի հատկացրել: ԲՀԿ ղեկավարի մամլո խոսնակը թերթի հետ զրույցում հաստատեց տեղեկությունը. «Պարոն Ծառուկյանի հետ օրեր առաջ խոսել է Ֆլորա Մարտիրոսյանի ամուսինը՝ ասելով, որ գումարի անհրաժեշտություն կա: Ծառուկյանն էլ նրա ընտանիքին է փոխանցել 20 հազար ԱՄՆ դոլար»:
Թերթը զրուցեց նաև ՀՀ վարչապետի մամլո խոսնակ Հարություն Բերբերյանի հետ՝ պարզելու, թե ինչու գործադիրն իր վրա չի վերցնում ծախսերը: «Բյուջեով նախատեսված է հուղարկավորությունը կազմակերպելու համար մինչև 1 միլիոն 700 հազար գումար հատկացնել, որոշումը կլինի, ու դա կֆիքսվի (դրա՞մ, թե դոլա՞ր, դա պարզ չէ – ԼՈՒՅՍԱՇԽԱՐՀ): Որոշումը կստորագրվի այսօր, վաղը կլինի մեր կայքում: Իսկ ինչ վերաբերում է տեղափոխմանը, ապա նշված կլինի, որ այդ դեպքում ևս կփոխհատուցվեն»,- ասաց Բերբերյանը: