Կինը երեք տարի բնակարանում պահել է ամուսնու դիակը

2012-11-19 18:53:06

Ռուսաստանի Յարոսլավլի մարզի բնակչուհին երեք տարի բնակարանում պահել է ամուսնու դիակը՝ հույս ունենալով, որ նա հարություն կառնի:

Քննությունը պարզել է, որ 2009-ի օգոստոսին ընտանիքի հայրը մահացել է: Նրա այրին, ով տառապում է հոգեկան հիվանդությամբ, համոզել է իրեն, որ ամուսինը պետք է հարություն առնի: Նա չի թաղել ամուսնուն, իսկ նրա մահվան մասին ոչ մի տեղ չի հայտնել: Երեք տարի շարունակ՝ 2009-ի օգոստոսի 14-ից մինչեւ 2012-ի հուլիսի 2-ը, դիակը գտնվել է բնակարանում՝ մահճակալներից մեկի վրա:

Այդ ողջ ընթացքում կինը երեխաներին պարտադրել է ամեն օր մտնել այդ սենյակ, շփվել» իրենց հոր հետ եւ «կերակրել» նրան: Երեխաները, մոր մասին անհանգստանալով, նրան ասել են, որ հայրը խոսում է իրենց հետ եւ սնունդ է ընդունում: Դիակի հոտը նրանք չեզոքացրել են օդը թարմացնող կենցաղային միջոցներով, իսկ ընտանիքի հոր մասին հետաքրքրվողներին հայտնել են, որ նա հիվանդ է եւ ոչ մեկին թույլ չեն տվել իրենց տուն մտնել:

2012-ի ամռանը ընտանիքը փոխել է բնակության վայրը: Գիտակցելով, որ բնակարանում գտնվող դիակը կարող են հայտնաբերել, մահացածի 14 եւ 9 տարեկան դուստրերը փաթաթել են հոր դիակը պոլիէթիլենե տոպրակներում, դուրս բերել տնից եւ դրել թփերի մոտ: Դիակի տեղափոխման ժամանակ պոկվել է գլուխն ու աջ ձեռքը, որը երեխաները փաթաթել են տոպրակի մեջ եւ նետել աղբավայրը, հաղորդում է Utro.ru-ն:

Ներկայումս մահացածի կինն իր եւ հասարակության համար վտանգ չի ներկայացնում: Փորձաքննությունը երեխաների մոտ հոգեկան շեղումներ չի հայտնաբերել:
news.am