Ամերիկացի գիտնականները գտել են մի քանի կվադրիլլիոն կարատանոց կշռով ալմաստ:  Այն գտնվում է Երկիր մոլորակից բավականին հեռու և իր չափսերով 2 անգամ գերազանցում է մեր մոլորակի չափսերը: Այն իսկական ադամանդյա մոլորակ է Խեցգետնի համաստեղությունում: Որպեսզի հասնենք այնտեղ, մեկ մարդկային կյանքը չի հերիքի, բայց տեսնել և նույնիսկ շոշափել ոչ երկրային ադամանդները, հնարավոր է Սիբիրում: Դեռևս 35մլն. տարի առաջ դինոզավրերի ժամանակաշրջանում այնտեղ ընկել է ալմաստե երկնաքար: Հնարավոր է, որ այն հենց այդ նույն մոլորակի կտորներից է:

Իելյան համալսարանի աստղագետները արդեն երկար տարիներ է, ինչ իրենց աստղադիտակները ուղղում են դեպի Խեցգետնի համաստեղություն: Հենց այնտեղ, տիեզերքի խորքում, 40 լուսային տարի հեռավորության վրա, որը նույնիսկ պատկերացնել դժվար է, գտնվում է «Կանկարի 55» աստղը, որը նման է մեր արևին: Հենց այս աստղի շուրջ պտտվող մոլորակներից մեկը, որը հայտնաբերել են 2004թվականին և կրում է ընդամենը մեկ տառից բաղկացած  «E» անվանումը, 1/3-ով բաղկացած է ալմաստից: Այն երկու անգամ գերազանցում է մեր մոլորակի չափսերը:

Մոտակա ապագայում մեր ապագա սերունդները դժվար թե կարողանան գտնվել այդտեղ. միջաստղային թռիչքների ժամանակաշրջանը դեռ չի սկսել, նույնիսկ մոլորակի կլիման մեղմ ասաց «թշնաբար» է տրամադրված (մոլորակի վրա ջերմաստիճանը գերազանցում է 2000 աստիճանը): Այս մոլորակը իր աստղին չափազանց մոտ է գտնվում, ինչով և բացատրվում է նրա վրայի բարձր ջերմաստիճանը, ինչպես նաև այդ մոտ գտնվելու փաստով էլ պայմանավորված է այն հետաքրքրական փաստը, որ այդ մոլորակի վրա տարին տևում է ընդամենը 18 ժամ:

Ա. Ծատուրյան