«Ես չգիտեմ` ինչպես կվարվի Հանրապետական կուսակցությունը, բայց ես Վարդան Օսկանյանից ներողություն կխնդրեմ», -այսօր լրագրողների հետ ճեպազրույցում հայտարարեց ՀՀ ԱԺ նախագահ, Հանրապետական կուսակցության անդամ Հովիկ Աբրահամյանը’ պատասխանելով հարցին, թե պատրա՞ստ է Հանրապետական կուսակցությունը ներողություն խնդրել, եթե Օսկանյանի նկատմամբ առաջադրված մեղադրանքը չհաստատվի:

Հարցին, թե արդյոք Օսկանյանն այն խոշոր ձուկն էր, որի մասին հայտնի խորհրդակցության ժամանակ խոսել էր ՀՀ նախագահ Սերժ Սարգսյանը, Հովիկ Աբրահամյանը պատասխանեց. «Եթե իմ կարծիքն եք ուզում իմանալ, ոչ»:

Նշենք, որ այսօր Ազգային ժողովը բավարարեց ՀՀ գլխավոր դատախազ Աղվան Հովսեփյանի միջնորդությունը: Քվեարկությանը մասնակցել էր 71 պատգամավոր, որից 6 պատգամավոր դեմ էին քվեարկել միջնորդությանը, իսկ 64-ն էլ’ կողմ: Մեկ քվեաթերթիկ էլ համարվել էր անվավեր: