ԼՐԱՀՈՍ - Հեղինակ՝ ADMIN. Wednesday, August 15, 2012 23:54 - չքննարկված
Սպանված իրանցի միջուկային գիտնականների ընտանիքները դատի են տվել Իսրայելին, ԱՄՆ-ին և Մեծ Բրիտանիային
10:59 • 16.08.12
Ռահիմ Ահմադի Ռոշանը, ում որդին` ուրանի հարստացման Նաթանզ կայանի տնօրեն Մուստաֆա Ահմադի Ռոշանը, սպանվել էր հունվարին ռումբի պայթյունի հետևանքով, պատմել է Թեհրանում հրավիրված ասուլիսի ժամանակ, որ սպանվածների ընտանիքները խնդրել են Իրանի դատական իշխանություններին` իրենց հայցը հասցնել միջազգային ատյաններին և դատարանի առջև կանգնեցնել նրանց, ովքեր կանգնած են ոճրագործությունների հետևում:
«Մենք պաշտոնական մեղադրանք ենք ներկայացրել Սեմական վարչակարգի, ԱՄՆ-ի և Մեծ Բրիտանիայի դեմ»,- հայտարարել է նա:
Ավելի վաղ, Իրանի պետական հեռուստատեսությունը հեռարձակել էր 5 գիտնականների սպանության հետ առնչվող 14 կասկածյալների խոստովանությունները, որտեղ նրանք պատմել են, որ մինչ սպանությունները վարժվել են Իսրայելում: Ցուցադրվել էին նաև Թել Ավիվի մերձակայքում գտնվող մի ճամբարի լուսանկարներ, որտեղ կասկածյալները վարժեցվել են, այդ թվում նրանց սովորեցրել են, թե ինչպես մագնիսական ռումբեր տեղադրել մեքենաների մեջ. հենց այս մեթոդով էլ սպանվել են գիտնականները:
Թեհրանը վերոնշյալ երկրների հետախուզական ծառայություններին մեղադրում է իր հարևան երկրների օգնությամբ սպանություններն իրագործելու մեջ: ԱՄՆ-ն ու Մեծ Բրիտանիան հերքել են իրենց ուղղված մեղադրանքները, սակայն Իսրայելը որևէ մեկնաբանություն չի արել: