Թուրքիան, Ադրբեջանն ու Վրաստանը եռակողմ համագործակցության հռչակագիր են ստորագրել՝ երեք երկրների արտգործնախարարների միջև տեղի ունեցած հանդիպման ավարտին,- հաղորդում է ”Ազատություն” ռադիոկայանը։

”Մենք գործողությունների ծրագիր ենք մշակում առաջիկա երեք տարիների համար”,- հայտարարել է Թուրքիայի արտգործնախարար Ահմեդ Դավութօղլուն և ընդգծել, որ երեք երկրները կհամագործակցեն տրանսպորտի, էներգետիկայի, զբոսաշրջության և մշակույթի բնագավառներում։

Հանդիպումից հետո Վրաստանի արտգործնախարար Գրիգոլ Վաշաձեն հայտարարել է, թե եռակողմ համագործակցության այս ձեւաչափը ուղղված չէ որևէ երրորդ երկրի դեմ։

”Այս հռչակագիրն ընդգծում է հարևան երկրների միջև ռազմավարական հարաբերությունները զարգացնելու և ամրապնդելու մեր պատրաստակամությունը”,- ասել է Վաշաձեն։