«Ռոբերտ Քոչարյանի վերադարձը լրիվ անիմաստ է, որովհետև չգիտես, թե ո՞ր հենքի վրա նա կգա ու այդ հենքը բավարար կլինի՞, որ նա դառնա նախագահ»,- ասաց Ահարոն Ադիբեկյանը:

Խոսելով Ռոբերտ Քոչարյանի վարկանիշի մասին, Ադիբեկյանը նկատեց, թե երկրորդ նախագահը համարում է, որ իր վարկանիշը 59%-է, բայց մոռանում է ամենակարևորի մասին, որ միայն 56%-ն իր պաշտոնի վարկանիշն է:

«Նրա անձնական վարկանիշն, ընդամենը, 2.5% է»,- նկատեց սոցիոլոգն ու ընդհանրացնելով իր խոսքը՝ հավելեց. «Իշխանավորների մոտ պատրանք կա, թե դա իրենց վարկանիշն է: Իրենց թվում է, թե իրենք արարիչ են, բոլոր հարցերը լուծող են, տենց բան չկա ու, դժբախտաբար, մեր բոլոր գործիչները մտնում են պետական գործիչի, կամ ազգը փրկողի դերի մեջ ու մոռանում դուրս գալ»:

«Նրանք կյանքում էլ շարունակում են կատարել այն դերը, որն կատարում էին քաղաքական բեմահարթակում»,- եզրափակեց իր խոսքը սոցիոլոգը: