Լրատվամիջոցներից մեկում «Ազգային միաբանություն» կուսակցության նախագահ Արտաշես Գեղամյանը (Դհոլ) հանդես է եկել ծավալուն, բայց միևնույն ժամանակ բովանդակազուրկ հոդվածով: Գեղամյանը, որին ժամանակին Սերժ Սարգսյանը դհոլ էր անվանել և գնահատել 300 000 դոլար (այժմ նրա արժեքը տասն անգամ նվազել և հայտնվել է ՀՀԿ ցուցակի 17-րդ հորիզոնականում) «վերլուծում» է Հայաստանի ներքին և արտաքին քաղաքական իրավիճակը, Եվրասիական միության հեռանկարները` քննադատելով 1-ին և 2-րդ նախագահներ Լևոն Տեր-Պետրոսյանին ու Ռոբերտ Քոչարյանին: Սակայն հոդվածից ակնհայտ է դառնում, որ Գեղամյանի հիմնական թիրախը Ռոբերտ Քոչարյանն է` պետպատվերի պահանջներն են այդպիսին: Գեղամյանը ջանք ու եռանդ չի խնայում սևացնելու Քոչարյանի կառավարման տարիները , հիշում, թե ինչպես էին ժամանակին իշխանություները խուզարկում ընդիմադիրների տները, բայց «չի հիշում», թե ինչ մեղադրանքներ էր հնչեցնում Սերժ Սարգսյանի հասցեին` ընդհուպ հայտարարելով, որ տանը բռոնեժիլետով (զրահաբաճկոնով) էր ման գալիս: Հիշում է «2004թ. ապրիլի 12-ին իշխանությունների կողմից սանձազերծած ընդիմության ծեծի մասին», բայց «մոռանում», որ այն ժամանակ ՀՀԿ-ն իշխող կուսակցություններ, Սերժ Սարգսյանին էլ համարում էր ԳՈՐՇ ԿԱՐԴԻՆԱԼ` գեր լիազորություններով օժտված: Այս անգամ, սակայն, դհոլի կոչմանն արժանացած Արտաշը չի բարձրաձայնում իր` ձվածեծված լինելու մասին:

Գեղամյանը նաև փորձում է աշխարհաքաղաքական «վերլուծություններ» անել, Քոչարյանին ու Օսկանյանին նույնականացնել` «ապացուցելով» վերջինների արևմտամետությունը, ինչպես նաև մութ սենյակում սև կատու փնտրելու իր կարողությունը` պատվիրատուին բավարարելու անհագ ցանկությամբ:

«Միաբան» Արտաշը հավանաբար մոռացել է, թե ինչպես է ՀՀԿ ներկայիս վերնախավը օր ու մեջ հայտարարում Եվրոպական ինտեգրման մասին. վերջերս ՀՀ վարչապետ, ՀՀԿ ցուցակի 3-րդ հորիզոնականը զբաղեցնող Տիգրան Սարգսյանը ռուսական մամուլում հայտարարեց Մաքսային միությանն անդամակցելու «անտրամաբանական» լինելու մասին… այդ ինչպե՞ս է ստացվում, մի՞թե Եվրասիականության ջատագով Գեղամյանը ընդգրկվում է մի կուսակցության ցուցակում, որը դեմ է այդ միությանը ու մի բան էլ ուրիշներին է քննադատում դրա համար… Ավաղ (մեջբերումը Գեղամյանինն է) արտաշեսգեղամյանների պատվիրատուն չի կարողանում մոռանալ Վիկտոր Դալաքյանի բացահայտած «երանելի» օրերը Մոնտե Կառլոներում:

Ք.Վ.