ՀՀ վարչապետի հանձնարարականով ԱՄՆ 28-րդ նախագահ Վուդրո Վիլսոնի հիշատակի հավերժացման նպատակով մշակված միջոցառումների ծրագրի շրջանակներում ՀՀ սփյուռքի նախարարությունը կազմակերպում է դասախոսություն Վուդրո Վիլսոնի իրավարար վճռի վերաբերյալ, որը կվարի Կալիֆորնիայի Լոս Անջելեսի համալսարանի պատմության բաժնի դոկտոր, հայագիտական ամբիոնի պատասխանատու Ռիչարդ Հովհաննիսյանը:
Վայրը` ԵՊՀ, Բանասիրության ֆակուլտետ, Սփյուռքագիտության ամբիոն, 2-րդ հարկ, Աբովյան 52/ա
Օրը` նոյեմբերի 18, 2011
Ժամը` 14:00Ռիչարդ Հովհաննիսյան-ամերիկաբնակ հայ պատմաբան, Կալիֆորնիայի Լոս Անջելեսի պետական համալսարանի դասախոս (1962–1969), պրոֆ. (1969-ից), հայոց և կովկասյան պատմության բակալավրի, մագիստրոսի և փ.դ. կոչումներ շնորհող ծրագրերի ղեկավար (1962-ից), հայ կրթական հիմնարկության հայ ժողովրդի արդի պատմության ամբիոնի վարիչ (1987-ից): Հայագիտական հետազոտությունների ընկերության հիմնադիր նախագահ (1974, 1977, 1991–1992), ՀՀ ԳԱԱ արտասահմանյան անդամ:

Հիմնական աշխատությունները վերաբերում են Հայաստանի, Անդրկովկասի և Միջին Արևելքի պատմության հարցերին, Հայաստանի XX դ. սկզբի, Հայաստանի առաջին Հանրապետության, Օսմանյան կայսրությունում հայոց ցեղասպանության պատմությանը և պատմագրությանը: