Հայ մեծահարուստների համար Ուզբեկստանից կանայք են բերվել. WikiLeaks

«Հայաստանը համարվում է ոչ միայն թրաֆիքինգի զոհեր «մատակարարող», այլ նաև թրաֆիքինգի զոհերին ընդունող երկիր»: Նման եզրակացություն է արվում երևանյան դեսպանատնից ԱՄՆ պետքարտուղարոթյոււն ուղարկված գրության մեջ, որն անդրադառնում է Հայաստանում թրաֆիքինգի խնդրին: Պաշտոնական նամակը թվագրվում է 2004 թվականին:
«Թե մինչ այս Հայաստանը համարվում էր տրաֆիքինգի սկզբնակետի և տրանզիտի երկիր, ապա հիմա արդեն այն նաև թրաֆիքինգի վերջնակետ կարելի է համարել»,-նշվում է Երևանում ԱՄՆ-ի դեսպանատանը կազմված փաստաթղթի նախաբանում: Այն թվագրվո
Այնուհետև պատմվում է թրաֆիքինգի մի դեպքի մասին, որն ամերիկացի դիվանագետներին հանդիպումներից մեկի ժամանակ պատմել են հայկական հասարարակական կազմակերպություններից մեկի ներկայացուցիչները:
Պատմությունն Ուզբեկստանից Հայաստան թրաֆիքինգի ենթարկված կանանց մասին է:
Ըստ այդմ, Հայաստանում ձերբակալվել է մի կին ու նրա երկու որդիները, ովքեր Ուզբեկստանի քաղաքացիություն ունեցող հայեր էին: Վերջիններս անօրինական գործունեության արդյունքում Հայաստան են բերվել առնվազն 8 ուզբեկ կանայք` սեռական շահագործման ենթարկելու համար:
Ոստիկանության կողմից մերկացված հանցավոր խմբի 6 անդամ է ձերբակալվել, իսկ նրանց 8 զոհերը դիմել են օգնության:
Վերջիններիցս 4-ն էլ զրույց են ունեցել ամերիկացի դիվանագետների հետ: Ուզբեկ կանայք պատմել են, որ իրենք գիտեին, որ գալիս են Հայաստան` զբաղվելու էլիտար մարմնավաճառությամբ: Նրանք Հայաստան էին եկել օրինական ճանապարհով, իրենց անձնագրերով (նամակում նշվում է, որ Հայաստանի ու Ուզբեկստանի միջև չկա վիզային համակարգ): Ուզբեկ կանայք Հայաստան էին եկել իրենց երկրի գյուղական շրջաններից. նրանք բոլորն աղքատ ընտանիքներից էին:
Նրանց Երևանի օդանավակայանում ոչ ոք չի դիմավորել: Տաքսի են վերցրել ու գնացել «Անժելա» անունով կավատի մոտ: Այստեղ նրանցից վերցրել են անձնագրերը` ռեգիստրացիա անելու պատրվակով, սակայն հետ չեն վերադարձրել: «Անժելան» հետո նրանց ասել է, որ իրենք պարտք են 5000 դոլար, որը պետք է վճարեն մարմնավաճառությամբ զբաղվելով:
Նրանք 4 հոգով մեկ բնակարանում էին ապրելու, ինչի համար վճարելու էին ամսական 300 դոլար և 100 դոլար էր ուտելիքի դիմաց: Այս գումարները պահվում էին նրանց ամսական «եկամուտներից»: Նրանց արգելված էր ինքնուրույն լքել բնակարանը: Հաճախորդները ուզբեկ կանանց հետ կապ էին հաստատում ուղիղ կերպով, որից հետո նրանք գնում էին թանկանոց սաունաներ և հյուրանոցներ: Նրանք օրական սպասարկում էին 1-2 հաճախորդ, իսկ ամսական եկամուտը կազմում էր 3500-4500 ամերիկյան դոլար:
Ուզբեկ կանայք նաև պատմել են, որ իրենց հաճախորդները հարուստ մարդիկ էին, ովքեր թանկարժեք մեքենաներ էին վարում: Նրանք նաև հավելել են, որ հաճախորդները պահպանակներ էին օգտագործում և իրենց հետ լավ էին վարվում: Իրենց հաճախորդներից և ոչ մեկին նրանք չէին ճանաչում, սակայն նրանց կոչում էին «VIP մարդիկ»:
Ցանցի բացահայտումից ավելի ուշ տրաֆիքինգի վերոհիշյալը զոհերը տեղափոխվել են Ուզբեկստան:
HayNews.am

Սոցիալական ցանցեր