Ամսաթիվ: 02/07/2011Կատեգորիա: ԼՐԱՀՈՍԹեգեր: կողոպուտ, հարձակում, Մալաթիա-Սեբաստիա, նախկին թաղապետ

Այսօր` հուլիսի 2-ի առավոտյան ժամը 5:30-ի սահմաններում առավոտյան երեք անձ` զինված եւ դիմակավորված, ներս են մտել Մալաթիա-Սեբաստիա վարչական շրջանի նախկին թաղապետ Աղվան Գրիգորյանին և զենքի սպառնալիքի տակ ավազակային հարձակման ենթարկել տանտերերին:

Ավազակային հարձակում կատարողները Գրիգորյանին և նրա երկու որդիներին դաժան ծեծի են ենթարկել, ապա իրենց հետ տարել են տանը գտնվող չհրկիզվող պահարանը, ոսկյա զարդեր, առեւանգել են նաեւ BMW X5 մակնիշի 01 ՏՕ 009 համարանիշի ավտոմեքենան:

Մալաթիայի քննչական բաժնում հարուցվել է քրեական գործ` ՀՀ քր.օր-ի 175 հոդվածի հատկանիշներով: Նախկին թաղապետին եւ նրա որդիներին տրվել է դատաբժշկի ուղեգիր, ձեռնարկվում են օպերատիվ-քննչական միջոցառումներ` հայտնաբերելու ինչպես ավազակային հարձակում կատարած անձանց, այնպես էլ առեւանգված ավտոմեքենան:

Տեղեկությունը` ֆոտոլրագրող Գագիկ Շամշյանի: