Ճապոնիայի երկրաշարժն առաջացել է ստորգետնյա գաղտնի միջուկային փորձարկման հետևանքով, իսկ «Ֆուկուսիմա-1» ԱԷԿ–ում տեղի ունեցած վթարը խաղարկվել է՝ թաքցնելու համար ռադիացիայի տարածման իրական պատճառները։ Այս մասին, չինական տեղեկատվական միջոցներին հղում անելով, գրում են ղազախստանյան ԶԼՄ–ները։

Հոդվածի հեղինակների տեղեկացմամբ՝ այդ մասին գրվել է չինական բազմաթիվ կայքերում, մասնավորապես «China Value» պարբերականում։

Չինական կայքի հեղինակները հղում են անում անանուն փորձագետներին, որոնք մատնանշում են Ճապոնիայի աղետի տեխնածին բնույթը։

Հոդվածում նշվում է, թե չինական վերլուծաբաններն առաջին հերթին ուշադրություն են դարձնում Չինաստանի դեմ միջուկային զենք կիրառելու վերաբերյալ Տոկիոյի նահանգապետ Սինտարո Իսիխարայի ակնարկին։ Նրանք նշում են, որ Իսիխարայի սպառնալիքները տարօրինակ են թվում՝ հաշվի առնելով, որ Ճապոնիան մշտապես հայտարարել է, թե մտադիր չէ միջուկային մարտագլխիկներ ունենալ։

Հիշեցնենք, որ Ճապոնիան այսպես կոչված «Միջուկային ակումբի» անդամ չէ։

News.am