Սան Ֆրանցիսկոյի դատարանը չեղյալ համարեց միասեռականների ամուսնության արգելքը

10:09 • 05.08.10

Սան Ֆրանցիսկոյի դատարանը չեղյալ է համարել Կալիֆոռնիա նահանգում ավելի վաղ սահմանված միասեռականների ամուսնությունների արգելքը։ Ինչպես հայտնում է Associated Press-ը, այսպիսով դատարանը բավարարել է երկու միասեռական զույգի ներկայացրած հայցը, որոնք պնդում էին, որ արգելքը խախտում է իրենց քաղաքացիական իրավունքը։

Նշվում է, որ դատարանի առջև հավաքված սեռական փոքրամասնությունների ներկայացուցիչներն այս որոշումը ողջունել են ուրախ բացականչություններով, գրկախառնություններով ու համբույրներով։

Միևնույն ժամանակ այս վճիռը դեռ չի նշանակում, որ Կալիֆոռնիայում անմիջապես կվերականգնեն միասեռականների միջև ամուսնությունների կնքումը։ Դատավորն ասել է, որ այդ հարցը դեռ չի քննվել վերաքննիչ դատարանում, որտեղ դիմել են նման ամուսնությունների հակառակորդները։

Միասեռականների ամուսնությունները օրինականացվել են ԱՄՆ հինգ նահանգներում՝ Կոնեկտիկուտում, Այովայում, Մասաչուսեթսում, Նյու Հեմփշիրում և Վաշինգտոնում։