About this entry
You’re currently reading “28 April,2008,” an entry on Լույս Աշխարհ.
- Published:
- 04.28.08 1:26
- Category:
- Լույս Աշխարհ
- Spread the word:
Խաչատուր Սուքիասյանն ու “Բժնին”
90-ականների սկզբին ԼՏՊ-ի ու Վանոյի հովանավորությամբ Սուքիասյանը անհատույց տիրացավ “Բժնի” հանքային ջրի աղբյուրին` նրա շահագործման մենաշնորհի իրավունքով:
Հանքահորի վրա կառուցված մայր գործարանը փակվեց, իսկ Սուքիասյանը 25կմ մետաղական խողովակով ջուրը տեղափոխում էր իր սեփական գործարանն ու այնտեղ կատարում արդեն իր օգտակար հատկությունները կորցրած ջրի շշալցումը: Բժնի գործարանի կոլեկտիվը բազմաթիվ անգամներ դիմեց հհշական իշխանություններին, որպեսզի իրենց թույլ տրվի գործարանի սարքավորումներն ու մնացած կարողությունները օգտագործելով արտադրել “Բժնի” հանքային ջուր, սակայն այդ միանգամայն օրինական պահանջները հանդիպում էին պարոն Սուքիասյանի ու նրան սատարող համապատասխան պաշտոնյաների կատաղի դիմադրությանը: Խնդիրը “լուծվեց” միայն ԼՏՊ-ի հեռանալուց հետո: Մայր գործարանի կոլեկտիվն ստացավ ջուր արտադրելու իրավունքը` պայմանով, որ աղբյուրից վերցված յուրաքանչյուր խ.մ ջրի դիմաց Սուքիասյանին վճարվի 7000 դրամ: Այն ժամանակ, երբ պարոն Սուքիասյանը աղբյուրից վերցրած յուրաքանչյուր խ.մ հանքային ջրի դիմաց պետությանը վճարում էր 13 դրամ` խմելու ջրի 1խ.մ-ը բնակչության համար արժեր 56դրամ:
Շատերը կհիշեն Երևանի կենտրոնական հանրախանութի, որը հետագայում վեր ածվեց “Մանկական աշխարհ”-ի հարևանությամբ գտնվող գրախանութը: Այդ գրախանութի շենքն ու տարածքը ձեռք բերելու համար պարոն Սուքիասյանը վճարել է ընդամենը 5000 դրամ:
Այս օրինակները պերճախոս կերպով վկայում են հհշական իշխանությունների կողմից ազգային ունեցվածքի թալանի մասին: Մինչև վերջերս էլ հհշական ԶԼՄ-ները պարոն Սուքիասյանին համարում էին հայոց երրորդ հանրապետության ամենապարկեշտ գործարարը: Եթե դա իսկապես այդպես է, ապա դժվար չէ պատկերացնել, թե ինչպիսի՞ն էին մյուսները, որոք ձեռներեցությամբ էին զբաղվում հհշ-ի իշխանության ժամանակ ու նրա հովանու ներքո:
3 comments
Jump to comment form | comments rss [?] | trackback uri [?]