You’re currently reading “20 March, 2008 (Ճշմարտությունը՝ առանց էմոցիաների),” an entry on Լույս Աշխարհ.
“Լույս Աշխարհ”-ի հարգելի այցելուներ, Ձեզ եմ ներկայացնում “Դար Ակումբ”-ֆորումի 28.02.08 թ. մի երկխոսություն իմ և “Պանդուխտի միջև:
Մէջբերում Smerghից.-
Մեջբերում:
Ակամայից հիշեցի Անկախության Հռչակագրի քննարկումները Գերագույն խորհրդում, որի նախագահն էր Տեր-Պետրոսյանը: Դեռևս այն ժամանակ ինձ համար պարզ դարձավ, որ դավադրություն է կազմակերպվում հայության ու Հայ Դատի հանդեպ: ՀՀՇ-ական վերնախավը Լևոնի գլխավորությամբ միտումնավոր կերպով չէր ցանկանում հռչակագրում որևէ կերպ արծարծել Մեծ Եղեռնի հարցը, ուր մնաց Հայ Դատի մասին խօսք լինելը : Հիմա չեմ կարողանում պնդել թե ովքե՞ր աղմուկ բարձրացրին որ իրենց հաջողվեց տեքստում ընդամենը մի փոքրիկ հիշատակում մտցնել եղեռնի մասին: Զավեշտալին այն էր, որ աղմուկ բարձրացնողներից մեկը կոմունիստ ֆունկցիոներ Ալեքսան Կիրակոսյանն էր, ասում եմ զավեշտալի, որովհետև հին վարչակարգի պաշտոնյան ավելի խելացի ու հայրենասեր գտնվեց՝ քան Ղարաբաղյան շարժման միջոցով իշխանությունը նրանից խլած ՀՀՇ-ականները, որոնք ինչպես հայտնի է ազգային գաղափարախոսությունը կեղծ կատեգորիա են համարում:
Այո: Այդ օրերը ապրել եմ: Քովս ահագին մամուլ ու գրականութիւն կայ այդ օրերի վերաբերեալ: Ցաւօք այդ ժամանակ չկար (?) ելեկտրոնային մամուլ, որպէսզի խօսուածները վկայելով ներկայացնենք նոր սերունդին: Ամեն ինչ խունացած տպագիր մամուլի էջերում, եւ մեր յիշողութեան մէջ է մնացել:
Ազգային արժէքների նոյն շահագործումը տեղի ունեցաւ, նախընտրական քարոզչութեան վերջին շաբաթներին: Մինչ այդ, այլ լեզւով էին խօսում:
Մէջբերում Smerghից.-
Մեջբերում:
Ամենևին մի զարմացիր, սիրելի Պանդուխտ եղբայր , որ այսօր էլ մեր մեջ գտնվում են մարդիկ, որոնք կասկածանքի տակ են դնում Շուշիի հայկական լինելու փաստը: Գաղափարական մի ուժ, որի առաջնորդը լինելով երկրի նախագահ՝ իր մարտնչող ժողովրդին դեռևս 1992 թվականին կոչ էր անում դադարեցնել պայքարը, քանզի իբր գտնում էր, թե մենք 3 միլիոն հայերով չենք կարող 7 միլիոն ազերիներին դիմակայել, մի նախագահ, որը նույն օրը իր ժողովրդի հարյուրամյա ազգային կուսակցությունը /Դաշնակցության մասին է խոսքը/ միջազգային ահաբեկչական կազմակերպություն անվանեց, պատրաստ է այսօր Շուշին, իսկ վաղը Երևանը թուքազերական քաղաք համարել:
Մինչ այդ կարծում էի, նախքան «Ակումբ» գալս, անցել են ապազգային մտայնութեան ժամանակները, բայց սխալուել եմ: Պարտւողական գաղափարները ծլելով փշածաղկել են եւ ստացել ահաւոր չափեր: Եթէ այդպէս չլինէր, հազիւ թէ համարձակութիւն ունենար, որեւէ հայախօս կամ հայագիր, Արցախը Հայաստան չհամարել, կամ արցախցին՝ ՀԱՅ:
Այո, Դաշնակցութիւնը միջազգային ահաբեկչական կազմակերպութիւն է…ըստ թուրքիայի, ազրպատ-ի եւ Հայաստանի Հանրապետութեան առաջին նախագահ՝ Լեւոն Տէր Պետրոսեանի:
Չես կարող երեւակայել, սփիւռքացած հայ ժողովուրդի հոգեբեկութիւնը այդ օրերին: Բայց արի, սիրելի Smergh եղբայր, կուսակցական քինախնդրութեան տուրք չտանք, քանզի մեր բոլորի կուսակցութիւնը, Հայաստանի եւ բովանդակ Հայ ժողովուրդի բարօրութիւնն է լինելու:
Ջուղհայի խաչքարերի եւ ընդհանրապէս բոլոր հայկական հնութեանց ոչնչացումը բաւարար պատճառ էր Հայաստանի համար, հեռանալու բանակցութիւններից: Կարծիքովս, Հայաստանը շա՜տ թոյլ է վերաբերւում, լինի թուրքիայի, լինի ազրպատլջանի հետ:
Նրանք, եթէ հաւատային իրենց յաղթանակին, Հայաստանի բարի կամեցողութեան չէին ապաւինէր, այլ՝ ուղղակի կ’անցնէին գործի: Ուստի, Հայաստանը ի’նք լրատուական, քարոզչական ու դիւանագիտական աննախընթաց յարձակողականի պէտք է անցէր:
Մեջբերում: Smergh-ից
Հայոց Մեծ Եղեռնի բաժնում ես արդեն գրել եմ, որ 20-րդ դարասկզբին ու առհասարակ բոլոր հայկական կոտորածների նախաձեռնող կազմակերպիչները եղել են դանմե հրեաները /իսլամ ընդունած/ և կարծում եմ, որ երեկ ամենևին էլ պատահականորեն չէր Ազատության Հրապարակի հանրահավաքում բարձրացվել Իսրայելի Դրոշը, որի ներքո Տեր-Պետրոսյանը հրեական պարային շարժումներով այլանդակում էր մեր ավանդական քոչարին:
Կուշտ ու կուռ ծիծաղեցի, երբ դիտեցի:
Գալով հրեայ-երիտ թուրք եւ մասոնական օթեակների գործակցութեան, ապա այժմ թուրք պատմաբանները իրենք են խօսում դրա մասին: Բայց սա չի նշանակում, որ Հայոց Ցեղասպանութիւնը թուրքիայի կամ թուրք ժողովուրդի օգտին չի եղել:
Նկատենք նաեւ, ոմանք փորձում են մի քարով երկու թռչուն որսալ: Մեղքը գցելով ինչ որ հրեայ-սաբատայ-դոնմէների վրայ, մի կողմից «փառապանծ» թուրք ազգը արդարացնում ու թուրք պետութեան ձեռքը լուանում են, միւս կողմից՝ ուրիշ հաշիւներով եւ այլ տեղերում, հրեաներից վրէժ են լուծում:
Հայկական Ցեղասպանութեան առաջին պատասխանատուն նրանք են, ովքեր այժմ նստած են զոհերի երկրում:
Մեջբերում:Smergh-ից
Ազատության Հրապարակում այսօրվա հանրահավաքները վերը նշված դավադրության տրամաբանական շարունակությունն են հանդիսանում:
Այստեղ, հալէպում, զարմանում ենք, բայց եթէ մտաբերենք այն ահռելի քարոզչութիւնը որ գործեց անցնող տասնամեակներում, եւ որին նպաստեց Քոչարեանի քաղաքականութիւնը, այդ ժամ ամէն ինչ տրամաբանական, բայց տխուր է հանդիսանում:
Ես նկատել եմ, Հայաստանի ներսում, հակահայկական քարոզչութիւն է տարւում, եւ այն էլ «խօսքի ազատութեան» անուան ներքոյ:
__________________
ԵՂԻՑԻ ԼՈՅՍ
XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>
There are constantly a number of topics and questions that need to be clarified, sometimes through a dialog. Those questions become the topic of “Louys World”: social cards, allowances and aid, laws, education problems, information availability, journalistic ethics and many other problems that are an element of the progress of our society.
Louys World is an informational-analytical program that emphasizes introduction of the most important events of the current week. Its exclusive reports cover dark, often most acute angles of news.
All this is revealed on Public TV every Monday to Sunday.
Program director and producer Stepan Kiremidjian
In accordance with Title 17 U.S.C. Section 107, any copyrighted work in the Louys World Archives is archived here under fair use without profit or payment to those who have expressed a prior interest in reviewing the included information for personal use, non-profit research and educational purposes only.
Powered by Multilingual Hemingway flavored Wordpress.
1 comment
Jump to comment form | comments rss [?] | trackback uri [?]